Google Developer Group (GDG Yerevan) Երևանյան համայնքը կազմակերպում է 10-րդ ամենամյա DevFest 2023 կոնֆերանսը, որը տեղի կունենա հոկտեմբերի 21-ին Holiday Inn Yerevan – Republic Square IHG հյուրանոցի Արտաշատ սրահում։
The official poster of DevFest Armenia 2023 tech conference by GDG Yerevan community
Հայաստանում GDG Yerevan համայնքը DevFest տեխնոլոգիական միջոցառումները կազմակերպում է սկսած 2012 թվականից: Այս տարի տեղի կունենա DevFest 10-րդ հոբելյանական միջոցառումը։
DevFest Armenia 2023-ը հերթական տեխնոլոգիական միջոցառում չէ, այն տեխնոլոգիական նորարարության, գիտելիքների փոխանակման և համայնքի կառուցման տասնամյակի կարևոր իրադարձություն է:
Միջոցառման շրջանանկներում ելույթներ կունենան բանախոսներ ինչպես տեղական ընկերություններից, այնպես էլ արտասահմանից հրավիրված հյուրեր, ովքեր կներկայացնեն թեմաներ կապված Android-ի, տեղեկատվական տեխնոլոգիաների շուկաների, վիրտուալ և լրացված իրականության (AR & VR), Google Cloud հարթակի, Google Workspace-ի, Angular JS-ի և այլ տեխնոլոգիական ուղղվածությունների հետ։
Տեխնոլոգիաների հզորացման տասնամյակ
DevFest Armenia-ն վերջին 10 տարիների ընթացքում եղել է շարժիչ ուժ տեխնոլոգիական լանդշաֆտի ձևավորման գործում: Խոսքը միայն տեխնոլոգիայի մասին չէ. այն գիտելիքի, նորարարության և համագործակցության հիման վրա բարգավաճող համայնքի խթանման հարթակ է, որը հնարավորություն է տալիս մասնակիցներին կիսվել իրենց գաղափարներով, ստեղծել նոր ծանոթություններ և շփվել գաղափարակից մասնագետների հետ։
DevFest Armenia 2023 կոնֆերանսի մասնակցությունը անվճար է։ Մասնակիցների գրանցումը կշարունակվի մինչև 2023 թ․ հոկտեմբերի 20-ը։ Գրանցվելու համար մասնակիցները պետք է լրացնեն գրանցման ֆորման այստեղ։ Միջոցառման օրակարգը և այլ մանրամասներ հասանելի են պաշտոնական կայքում՝ devfest.am:
Devfest միջոցառումներն ամբողջ աշխարհում խրախուսվում և հովանավորվում են Google ընկերության կողմից: 2023-ի հայաստանյան DevFest Միջոցառմանը աջակցում են նաև SADA, VOLO, Adobe Armenia, Ամերիաբանկ, EPAM Armenia ընկերությունները` որպես գլխավոր գործընկերներ։ Միջոցառման մեդիա գործընկերն է intech.am տեխնո-հարթակը։
Նախորդ տարիներին տեղի ունեցած DevFest Միջոցառումների մասին կարող եք ծանոթանալ այս էջերում՝
DevFest Armenia 2021, DevFest Armenia 2019, DevFest Armenia 2017
— Advertisement on InTech.am —
